11:14 ص |
تعديل الرسالة
تعديل الرسالة
- خفه الدم والتريقه المصريه دايما تستمد من جمل وعبارات صغـنـنه لكن ليها وقع وصدى يفضل مع الايام وتتأثر به جميع شعوب المنطقة, ويلخص اللي انت تحب تقوله في شويه كلمات حراقه . وقد تم جمع معظمها من كتب بيرم التونسي وصلاح عيسى ولكن اغلبها من كتب احمد فؤاد نجم شاعرنا الكبير .
-
ان ما غطست وقبيت بالواد لأكون.......
دحنا كلنا عايشين بحسك
كله اونطه
وغايتها ح يلدع مليون , ارنب , باكو
خمسة و خميسة
يا ناس يا شر كفاية ار
العدمانه الصدمانة
مالك على يمين
موضوع ...... اللي جننك اليومين اللي فاتوا
يا لمامة يا حوش
واد غلس
بالمفتشر
بس يا ريتك بقى تورينا قفاك و تسمعنا سلامو عليكو
ابن المجنونة
هز يا وز
كان زمان و جبر
اللي ما يشتري يتفرج
يا خسارة نقبك طلع على شونة
يخرب بيته و يدلق زيته قادر يا كريم
القفه ام ودنين يشيلوها اتنين
هو ايه اصله ده
والله انتو فايقين و رايقين
غلب حمارى
يبقى يتلايم عالفكه و يسافر
هوينا ممكن بقى تهوينا
انت لسه حتقولي فيها
هو انا ح الاحق عالكلبة و لا على ولادها
الراجل ده جاي يقول شكل للبيع
لحم كتافنا من خيرك
يا راجل يا ضلالي
واد هلفوت
ولد عديم الرباية
على داير مليم
ولا الدبان الازرق يعرف له طريق جره
ابوريالة
اول هام
احنا فيها
طراطيش كلام
آخر السطه
بكاش
دانت بلوة مسيحة
فاقسهم
هارشة حركاتك
يا فرحة امك بيك
تضرب الواد نواعم زي ضرب الغزيه ف حمارتها
و فضلت سايق في الاستعباط
طب اظرف
لسانك ده هو اللي جايب لك الكافيه
ايوه يا اخي فكها بقى عشان ربنا يفكها
ودا كله ببركة دعاء الوالدين
المحروس
تصور يا مؤمن
آكل شارب نايم متنيل على عيشته
نافش زي الديك الرومي
انت بتقسم معاهم بقى
مش للدرجة دي
وكان حاطط همه في القرايه
انا مش فاهم ليه انت واجع قلبك بالسياسة
قتالين قتلا
احسن بركه يا جامع
طب وحياة امك
و ظاطت الحكايه
انا اعرفك منين يا جدع انت
و هاتك يا غنا
انا ماليش دعوه بالكلام
ومعاه انتهى شهر العسل و بقي اللعب على المكشوف
بيكلم نفسه
حودت يمهم
دوخيني يا لمونه
و ان ركنت حتركن على حيط مايله
قاعد مقرفص ع الارض
يتعامل بألاطه
نصاب وحلنجي
على سنجة عشرة
كويس اني ما فرقعتش في وشه
بس و خلاص
كان ح يروح مورته
بصراحة دماغي كان يطرشق
دي حدوته
ده فلم
مولد
عمك لزوم المنجهه بعت كام ....
ع المحل ياواد بسرعة
محاوطانا
ما حقه الا انه يترحل عالخانكه بقميص لكتاف
ماحقه الا الحرق بجاز
خايف و جثته متلبشه و راكبه ستين عفريت
كلهم بيقولوا الحكايه دي من باب العياقة
يلعب ليها حواجبينه
قلت لفلان يستقضي لينا شويه ...
ادور عليه في سلقط في ملقط ..... فص ملح وداب
و بعدين يطنش
و الله لاملص ودانه
ضارب الدنيا صرمه
بتشوف طشاش
في الهلمه دي
بيقفش و ينكت
انهطل ع الكرسي
ودنه الماظ
صوت هامس لازم تطرطق ودانك عشان تسمعه
ولما غزالته تروق
طب تعال كده نطلعها سلمه سلمه
نشفت الترعة وبانت قراميطها
من باب العلم بالشئ
وانت بتبرق ف وشي كده ليه
فرحانين بيه اوي كأنهم لاقيين لقيه
رجع وقفاه يقمر عيش
انا حسبتها مظبوط ... ازاي ؟ حقولك
راح داخل فيهم شمال
ونس
وبعد محايله و طبطبه
نرجع لموال المعمعه
يا بني اهمد شويه
و محسوبك راسم العبط وآ خر استهبال
رجله خدت عالحته و يوميا عامل السكه قياسه
راح مطلع جنيه يدبح الفرخه
راح ماسك الورقه و القلم ونزل لك حرت و قوام قوام
و لا الوتكه
و عينك ما تشوف الا النور
نازلين شتيمه عمال على بطال
هو كمان شكله أليط
ما عندوش حاجه جهجهوني كله مرتب
وراح فاقع بقين زفرين
كانت ايام بقى الله لا عاد يعودها
انا ربك و الحق قلبي كان مقبوض
الفار لعب في عبي
توهه
قال شكك قال ..... لا يا سيدي يفتح الله
والعباره , والحاصل, قصره
خادها من قصيرها , قاصرها
ابن المجنونه
لهفنا العشوه اللي هيه
سفحنا الغدوة المتينه
رقعنا العشوه و سلكنا الحناجر بالشاي
قلت في عقل بالي
دا بعض ما عندكم
من باب العياقه و المنجهة
تلت التلاته كام
مستنقع نسوان
شمحطيه
الوليه القرشانه
بت اروبه ومسحوبه من لسانها
هيصه
زيطه و زمبليطه
ربك رب العطا يدي البرد على قد الغطا
بت غلبانه القطه تاكل عشاها
راكب على كتافهم ومدلدل رجليه
ماكدبش خبر وهوا ....
بطل حركات النص كم ولعب التلات ورقات
حبتين والباب خبط
يبقى عليه العوض في ......
غراب ضمن حدايه
دخلنا في الغريق
طب منين يافالح
مش كده يامخشمون
يرجع مرجوعنا
شوف الواد المجرم
الواد اللي عامل ازعرينا
وحياه امك لو خشوا هنا ما هم طالعين ولا بالطبل البلدي
ياللي تـنشك ف مصارينك
خربت عليك عيشتك ياصدمان ياندمان
واقـلـك ايه واعيد لك ايه
والنبي تتنيل على حكمك اللي مش جايبه همها
وكمان رئيس اللجنه..... يبقى عليه العوض في البلد
صحيح الهدوم بتداري كتير
ياخويه بطل رغي وخش في الموضوع
بتجعـر ليه لاشتك عقربه
هات م الآخر
مانت راسي ع البير وغطاه
مش ح ترسيني على بر
ايشحال لو ...
يوه يانداشتي
ناس ليها بخت وناس ليها بدنجان
ام قويق
لا حلوه دي ملعوبه ...
امال بسلامتها اسمها ايه
وخالتي وخالتك وتفرقوا الخالات
واهوه طلع قرار لايحل ولايربط
وكله كوم واللي قالوه كوم
مش نعيش زي مخاليق ربنا
فتح عينك تاكل ملبن
ناس هايصه وناس لايصه
على عينك ياتاجر
ايه اللي حدفك علينا
نهار ابوك اسود من قرن الخروب
يبقى انت من سكه وانا من سكه
انت ح تخش في الدهمله تاني
وكنت مستنى ايه بسلامتك
انا مش فاهم حاجه من اصله
اقلك ايه واعيد لك ايه
ياختي اقعدي عوجه واتكلمي عدل
جرى ايه ياحاج ماتـلم الاتك ياخويه شويه
دستور ياهل المطرح
شيللاه ياهل الله
ياما انت كريم يارب
رخم
صهين , مصهين
يقلس
سيب البهلله
قيمه وسيما
شوف الخيبه
لا وايه كمان ...
طلعت في دماغي
ورجليه مابتعلمش ع الارض
عقبال امالتك
حاجه كده تفرفش الجمجمه
ح تبقى وقعه امه طين
بلا وكسه بلا نيله
اتاري الحكايه مفبركه
.
اذا اعجبتك هذه التدوينة فلا تنسى ان تشاركها وتساعدنا على نشر المدونة ، كما يسعدنا ان تنضم الى قائمة المشاركين في سما بلوجر من خلال
(نشرات rss)
0 التعليقات:
إرسال تعليق